ქალბატონმა სალომემ ცოტა ხნის წინ ჩვენ ყველას ერთად მჭლე სამიანი დაგვიწერა, მაგრამ, მოდი, გავუსწოროთ თვალი რეალობას და და ვაღიაროთ, რომ ამას ვიმსახურებდით. ამის შესახებ ,,ლელოს“ ერთ-ერთმა ლიდერმა დავით უსუფაშვილმა პარლამენტში პრეზიდენტის მოხსენების შემდეგ განაცხადა. მისი შეფასებით, პრეზიდენტის დღევანდელი გამოსვლა ყველაზე ადეკვატური და სახელმწიფოს მეთაურისებრი იყო.
,,ქალბატონმა სალომემ ცოტა ხნის წინ ჩვენ ყველას ერთად მჭლე სამიანი დაგვიწერა, მაგრამ, მოდი, გავუსწოროთ თვალი რეალობას და და ვაღიაროთ, რომ ამას ვიმსახურებდით. გამოსავალიც გვაჩვენა და თუ სწორ ნაბიჯებს გადავდგამთ, შევძლებთ, შევასრულოთ ჩვენი როლი იმ მძიმე ვითარებაში, რომელშიც ქვეყანაა.
პრეზიდენტის დღევანდელი მოხსენება იყო ერთ-ერთი ყველაზე ადეკვატური და სახელმწიფოს მეთაურისებრი. ეს იყო მცდელობა იმისა, რომ ჩვენ ყველამ ერთად, რაც შეიძლება კომპლექსურად დავინახოთ ის პრობლემები, რაც გვაქვს და დავინახოთ გამოსავსალიც“ _ განაცხადა დავით უსუფაშვილმა.
