უკვე დიდი ხანია მედიაში ვრცელდება ინფორმაცია, რომ რუსეთის პრეზიდენტი ვლადიმერ პუტინი კიბოს ებრძვის. ამჯერად უცხოური მედიის არაოფიციალური ცნობით, პუტინი, სავარაუდოდ, ოპერაციის შემდეგ კომაში ჩავარდა. მისი ჯანმრთელობის გაუარესება სიმსივნურ წარმონაქმნებს უკავშირდება, რის გამოც საჭირო გახდა ოპერაცია. როგორც მედია იუწყება, ამის შესახებ დაზვერვის წყაროებიდან გახდა ცნობილი.
მათი ინფორმაციით, საიდუმლო სამსახურებმა, კრემლში თავიანთ წყაროებზე დაყრდნობით, განაცხადეს, რომ პუტინის გარემოცვამ დაიწყო პრეზიდენტის შემცვლელის, ეგრეთ წოდებული „ტახტის“ მემკვიდრის ძებნა.
გავრცელებული ინფორმაციით, პუტინს აღენიშნება ტვინის ღეროს რეფლექსების დათრგუნვის ყველა ნიშანი, მისი სხეული არ რეაგირებს ტკივილზე. დაზვერვის წყაროების ცნობით, რუსეთის ფედერაციის მეთაური დესტრუქციულ კომაშია.
დიქტატორის გარემოცვამ, დიდი ალბათობით, გადაწყვიტა პუტინის მდგომარეობის შესახებ ინფორმაციის დამალვა. ისინი არ აპირებენ ინფორმაციის გამჟღავნებას მანამ, სანამ კრემლი არ გადაწყვეტს, თუ ვინ იქნება მისი შემცვლელი. მანამდე კი რუსეთის ლიდერის ნაცვლად საზოგადოებაში, სავარაუდოდ, მისი ორეული გამოჩნდება, რაც მათ მედიისთვის სასურველი იმიჯის შექმნის საშუალებას მისცემს.
