,,ქართული ოცნების" ოპოზიციაში ყოფნის დროს არ ყოფილან ოპოზიციაში, არც ერთი ხელისუფლების მიმართ არ ყოფილან პროტესტანტები, არც 7 ნოემბერს და არც 2009-ში ყოფილან მიტინგების დროს. ამის შესახებ „რესპუბლიკური პარტიის“ ერთ- ერთმა ლიდერმა დავით ბერძენიშვილმა განაცხადა. იგი ირაკლი კობახიძეს და ,,ქართული ოცნების“ სხვა წევრებს ,,ბიძინა ივანიშვილის მიერ ვეზირებად დანიშნულ ადამიანებს“ უწოდებს.

,,ეს ის ხალხია, რომელიც ,,ვინც მოვიდა გაუმარჯოს" კატეგორიიდან არის. ,,ქართული ოცნების" ოპოზიციაში ყოფნის დროს არ ყოფილან ოპოზიციაში, არც ერთი ხელისუფლების მიმართ არ ყოფილან პროტესტანტები, არც 7 ნოემბერს და არც 2009-ში ყოფილან მიტინგების დროს. ეს არის გახელისუფლებულ ,,ქართულ ოცნებაში" ბიძინა ივანიშვილის მიერ ვეზირებად დანიშნული ადამიანები, რომლებიც უკადრებელს კადრულობენ. როცა არ გაქვს საკუთარი პრინციპები, წონა, ტრადიცია, რასაც დაგავალებენ იმას იტყვი. კომუნისტებიდან მოყოლებული ყველა ხელისუფლება ებრძოდა ,,რესპუბლიკურ პარტიასაც" და ძმებ ბერძენიშვილებსაც, მაგრამ ჩვენ არ დავმარცხებულვართ არც ერთ ხელისუფლებასთან, და მითუმეტეს, ახლა კობახიძისნაირი „მეჩაიე, ერთჯერადი დეპუტატები“ ვერ დაგვამარცხებენ“ _ განაცხადა დავით ბერძენიშვილმა ჟურნალისტებთან.