ეროვნული ბანკის საბჭოს წევრის თანამდებობაზე ნათია თურნავა წარადგინეს. თურნავას კანდიდატურა დარგობრივი ეკონომიკისა და ეკონომიკური პოლიტიკის კომიტეტს პრეზიდენტის საპარლამენტო მდივანმა გიორგი მსხილაძემ წარუდგინა.
ნათია თურნავამ ეროვნული ბანკის საბჭოში საკუთარ ხედვაზე და იმ პრიორიტეტებზე ისაუბრა, რაც მისი არჩევის შემთხვევაში, ეროვნული ბანკის წარმატებული საქმიანობისკენ იქნება მიმართული და დეპუტატების კითხვებს უპასუხა.
კომიტეტმა ეროვნული ბანკის საბჭოს წევრის პოზიციაზე ნათია თურნავას კანდიდატურას დაუჭირა მხარი. საბოლოო გადაწყვეტილებას კი, პარლამენტი პლენარულ სხდომაზე მიიღებს.
