ასეთი ბინძური პარტია არ არსებობს ქართულ პოლიტიკაში, ევროპულ საქართველოზე ვამბობ, იმდენი ზიზღი, ბოღმა და ბოროტება, რასაც ესენი აფრქვევენ, არ არსებობს. ამის შესახებ პარტია „გირჩის“ ლიდერმა ვახტანგ მეგრელიშვილმა ტვ პირველის ეთერში განაცხადა.
მისი თქმით, „ნაციონალური მოძრაობა“ და „ევროპული საქართველო“ ის ორი პარტიაა, რომლებსაც არჩევნების გაყალბების ფაქტების დადების საშუალება ჰქონდა და დღემდე არ მიუციათ არც მათთვის და არც საერთაშორისო ორგანიზაციებისთვის.
,,როდესაც ყველას გვაქვს განცდა, რომ არჩევნები გაყალბდა და ორი პარტიაა „ნაციონალური მოძრაობა“ და „ევროპული საქართველო“, რომელსაც წესით, აქვს საშუალება, რომ ფაქტები დადოს. იტყუება თამარი, როდესაც ამბობს, რომ მისი მეუღლე იყო წინააღმდეგი. გიგა ბოკერია იყო ბოიკოტის მთავარი მომხრე, ფუშერი, რომელიც ფაქტობრივად ყველას აიძულებდა, რომ ბოიკოტში შესულიყო. ორი პარტიაა, რომელსაც აქვს მონაცემები. ჩვენ ვეუბნებით, მოგვეცით ინფორმაცია, მოგვეცით ფაქტები, რომ ჩვენც დავრწმუნდეთ. მთელი თვეები გავიდა, დღემდე ხომ არ მოუციათ, არათუ ჩვენთვის, საერთაშორისო ორგანიზაციებს ვერ მისცეს, ვერ დაამტკიცეს, ფაქტიურად ქვეყანა გაწირეს პოლიტიკური კრიზისისთვის, აბულინგეს თუ რა ვიცი რა უქნეს მთელ თავიანთ კოლეგებს, ვერ მიაღწიეს მიზანს, დარჩნენ პარლამენტის გარეშე, მათი წევრები იქ არიან, ასეთი ბინძური პარტია არ არსებობს ქართულ პოლიტიკაში, ევროპულ საქართველოზე ვამბობ, იმდენი ზიზღი, ბოღმა და ბოროტება, რასაც ესენი აფრქვევენ, არ არსებობს“ _ განაცხადა მეგრელიშვილმა.
