პოლიტიკა
10.05.2022 / 00:03
,, Lend-Lease-ის კანონპროექტზე ხელმოწერა ისტორიული ნაბიჯია“ _ ზელენსკი აშშ-ს მადლობას უხდის
უკრაინის პრეზიდენტი ვოლოდიმირ ზელენსკი ჯო ბაიდენსა და ამერიკელ ხალხს უკრაინის მხარდაჭერისთვის მადლობას უხდის და ლენდ-ლიზის კანონპროექტზე ხელის მოწერას ისტორიულ ნაბიჯს უწოდებს. მან ამის შესახებ Twitter-ზე დაწერა.
,,მადლობელი ვარ პრეზიდენტი ბაიდენის და ამერიკელი ხალხის, რადგან მხარს უჭერენ უკრაინას თავისუფლებისა და მომავლისთვის ბრძოლაში. დღეს, ლენდ-ლიზის კანონპროექტზე ხელმოწერა ისტორიული ნაბიჯია. დარწმუნებული ვარ, ისევე, როგორც 77 წლის წინ, ჩვენ ერთად ისევ გავიმარჯვებთ, დავიცავთ დემოკრატიას უკრაინასა და ევროპაში“ _ წერს ვოლოდიმირ ზელენსკი.
