ამერიკაში მცხოვრები ქართველი ემიგრანტი ნიუ-იორკის ერთ-ერთ დასახლებაში ნანახით მიღებულ შთაბეჭდილებას Facebook-ზე აზიარებს. როგორც იგი წერს, ადგილობრივ მოსახლეობას საქართველოზე ძალიან დიდი ინფორმაცია აქვს რუსეთის წინააღმდეგ ბრძოლასა და ოკუპირებულ ტერიტორიებთან დაკავშირიებით.
ემიგრანტი იმასაც წერს, რომ იქაური მაცხოვრებლები ომში მყოფ უკრაინასთან ერთად საქართველოსაც გულშემატკივრობენ, ქალაქის ცენტრი კი უკრაინის და საქართველოს დროშებით არის მორთული. ამის დასტურად იგი ვიდეოებსა და ფოტოებს აქვეყნებს.
,,სასწაულად ემოციური იყო როდესაც მთელი ქალაქის ცენტრი უკრაინის და საქართველოს დროშებით მორთული დაგვხვდა. ყოველი მეორე ეზო და სახლის ფანჯარა ,თეთრი,წითელი,ლურჯი და ყვითელი გულებით იყო გალამაზებული. ეზოებში შეხვდებოდით ბანერებს წარწერით Zelenskyy 2024. არა ერთ ადგილობრივს გამოველაპარკეთ და გამოვხატეთ მადლიერება რომ ამ საოცარი ფორმით უცხადებენ სოლიდარობას ჩვენ ქვეყნებს და რომ არ ერიდებიან მკაფიოდ დააფიქსირონ თავიანთი აზრი ამ უთანასწორო და სასტიკი ომის წინააღმდეგ.მათ ძალიან დიდი ინფორმაცია ქონდათ სქართველოზე, ისიც აღნიშნეს ,რომ არა უკრაინის ომი რუსეთის მიერ საქართველოს ოკუპირებულ ტერიტორიებზე ესეთი დეტალური ინფორმაცია არ ექნებოდათ. ერთმა ძალიან საყვარელმა ამერიკელმა ბაბუმ მითხრა, ჩვენ ძალიან კარგად გვესმის რომ ეს მარტო უკრაინის ომი არ არის და რომ საქართველო უკვე ათეული წლების მანძილზე იბრძვის და კარგავს თავის კუთვნილ ტერიტორიებსო! ამიტომაც გადაწყვიტა ქალაქის გამგეობამ რომ საქართველოს და უკარაინის დროშებით დაგვემშვენებინა ჩვენი ქალაქის ცენტრიო. ისევე როგორც ჩვენ დღეს შეგვტკივა გული უკრაინაზე საქართველოც ჩვენს ფიქრებში და გულებშიაო. ამაზე მეტი რა უნდა გამხარებოდა. სიამაყის და სიახარულის ცრემლები მომდიოდა…მიდი და არ დააფასო რომ ამდენი ათასი კილომეტრის დაშორებით არსებობს ქალაქები და ადამიანები რომლებიც ჩვენზე და უკრაინელებზე ფიქრობენ და ცდილობენ რომ გაგვამხნევონ და გვითანაგრძნონ“ _ წერს ემიგრანტი.
