საქართველოს პარლამენტის თავმჯდომარე შალვა პაპუაშვილი აცხადებს, რომ უკრაინის უმაღლესი რადის თავმჯდომარეს რუსლან სტეფანჩუკს ესაუბრა. როგორც იგი განმარტავს, უკრაინელ კოლეგასთან შეთანხმდა, რომ კომუნიკაციის შედეგად გაუგებრობის მოგვარებას შეეცდებიან.
,,ბოლო დღეების განმავლობაში მქონდა კომუნიკაცია ჩემს უკრაინელ კოლეგასთან. ჩვენ ბევრ საკითხზე ვისაუბრეთ, დღეს ასევე გვქონდა ონლაინ შეხვედრა. მეც და ჩემმა უკრაინელმა კოლეგამაც საკუთარ განცხადებაში თქვა, რომ გაუგებრობები რაც არის, შეიძლება გაირკვეს და მოგვარდეს, თავისთავად, კომუნიკაციას ბევრი რამის გამოსწორება შეუძლია. ბევრ რაღაცაში ჩვენ გავერკვიეთ და აბსოლუტურად ვეთანხმებით ერთმანეთს. თქვენ ნახეთ გუშინ მისი ინტერვიუ „იმედზე“, მისი განწყობები და ამიტომაც ვფიქრობ, მას ამისთვის მადლობა გადავუხადო. შევთანხმდით, რომ ერთმანეთთან გვექნება კომუნიკაცია და გავცვლით ინფორმაციებს“ _ განაცხადა შალვა პაპუაშვიმა.
