გიგა ბოკერია „ნაციონალური მოძრაობის“ მხრიდან საპარლამენტო ბოიკოტის შესაძლო შეწყვეტას ეხმაურება. „ევროპული საქართველოს“ ლიდერი ამბობს, რომ როდესაც სხვებს ეძახი „პუფებს", ამხელ და თავზე ნაგვის ყუთებს ახურავ, შემდეგ შენ თვითონ იმავეს აკეთებ, ამით ივანიშვილის რეჟიმს აძლიერებ.

„სწორედ ასეთი ნაბიჯები ხელს უწყობს ივანიშვილის პროპაგანდას და უიმედობას პოლიტიკური პროცესის მიმართ, როდესაც სხვებს ეძახი "პუფებს", ამხელ და თავზე ნაგვის ყუთებს ახურავ, შემდეგ შენ თვითონ იმავეს აკეთებ, ამით ივანიშვილის რეჟიმს აძლიერებ. ივანიშვილის რეჟიმის მიზანი სწორედ ის არის, რომ პოლიტიკა თუ საზოგადოებრივი ცხოვრება არის ტყუილი, უპრინციპობა და კონიუნქტურას აყოლა, ოპოზიციას სჭირდება ამის საპირისპირო სიმტკიცის ჩვენება, „ნაციონალური მოძრაობა“ ამის საპირისპიროს აკეთებს სამწუხაროდ“ - აღნიშნა გიგა ბოკერიამ.

მთავარი ფოტო: netgazeti.ge