პარტია ლელოს ლიდერი და თიბისი ბანკის დამფუძნებელი, მამუკა ხაზარაძე აცხადებს, რომ ხვალ სასამართლოზე არ მივა და განაჩენს ოფისში, საკუთარ თანაგუნდელებთან ერთად მოისმენს. ამის შესახებ მან ტვ პირველის ეთერში განაცხადა.
"ხვალ ჩვენ სასამართლო პროცესზე არ გამოვცხადდებით, იმიტომ, რომ მე ჩემს თანაგუნდელებთან ერთად მოვისმენ ამ განაჩენს პარტიის ოფისში და დავემორჩილებით. მე არ მინდა იქ სასამართლოს წინ ხალხის შეკრება. თუ ამ ქვეყანაში იოტისოდენა სამართალი, კანონი და ნამუსი არსებობს, გამამტყუნებელ განაჩენს არ ველოდები" - განაცხადა მან.
საქალაქო სასამართლოში მოსამართლე, გიორგი არევაძე განაჩენს ხვალ, 11 საათზე გამოაცხადებს. სახელმწიფო მამუკა ხაზარაძესა და ბადრი ჯაფარიძეს ფულის გათეთრებას ედავება.
