ლელოს საქართველოსთვის ლიდერის, მამუკა ხაზარაძის განცხადებით ქვეყანაში, სადაც 9 წლის განმავლობაში 5–ჯერ პრემიერმინისტრი, ხოლო 5–ჯერ პარლამენტის თავმდჯდომარე შეიცვალა, არ შეიძლება რომ პოლიტიკურ სტაბილურობაზე ვისაუბროთ. 

"5 პრემიერი; 5 პარლამენტის თავჯდომარე; 9 წელიწადში; რა სტაბილურობაზეა საუბარი, რა საგარეო ურთიერთობაზე; რა ეკონომიკურ პროგრამებზე, რა ინვესტიციაზე და რა სამუშაო ადგილებზე? რა ნიშნით ინიშნებიან, რის გამო თავისუფლდებიან? სად არის პროგრამა, სად არის ანგარიში? სად არის პასუხისმგებლობა?არაფერი ასეთი!

ასე ხდება მხოლოდ ისეთ ქვეყანაში, რომელშიც თავისუფლების გემო დავიწყებულია, რომელშიც ხმები იყიდება, რომელშიც სამართლიანი მართლმსაჯულება არ არსებობს, რომელშიც სამოქალაქო საზოგადოება დუმს, რომელშიც ქვეყნის თითქმის ყველა ინსტიტუცია მიტაცებულია ერთი კაცის მიერ.

ბრძოლა გრძელდება! ბრძოლა ამ მარაზმის დასამთავრებლად და ნამდვილი ქართული დემოკრატიული სახელმწიფოს ასაშენებლად". - წერს ის. 

კახა კუჭავა თანამდებობიდან გუშინ, 24 დეკემბერს გადადგა. მის ნაცვლად პოსტზე ქართულმა ოცნებამ შალვა პაპუაშვილის წარადგინა