პარლამენტის თავმჯდომარე ჟურნალისტებთან საუბრისას სახელმწიფო ინსპექტორს პასუხობს. პაპუაშვილი აღნიშნავს, რომ საჯარო სამსახურში მთავარი შემოქმედები საჯარო მოხელეები არიან და ლონდა თოლორაიას განცხადება, რომ თავად ერთადერთი გარანტორია დამოუკიდებლობის, პრინციპულობისა და მიუკერძოებლობის, თანამშრომლების როლის დაკნინებაა.
„ამა თუ იმ დაწესებულების ხელმძღვანელზე ჩამოკიდება არსშივე არასწორია. ვფიქრობ, ეს არის საკუთარი თანამშრომლების როლის დაკნინება, თუ დაწესებულების ხელმძღვანელი ამბობს, რომ ის, როგორც პიროვნება, ერთადერთი გარანტორია დამოუკიდებლობის, პრინციპულობისა და მიუკერძოებლობის.
ვფიქრობ, ისევე როგორც ყველა სამსახური, მათ შორის სახელმწიფო ინსპექტორის სამსახური, უპირველეს ყოვლისა, იდგა თავის თანამშრომლებზე. ეს თანამშრომლები უწყებაში რჩებიან.
საჯარო სამსახურში მთავარი შემოქმედები საჯარო მოხელეები არიან და ისინი ამ სამსახურში რჩებიან. როდესაც არის ისეთი მიდგომა, თითქოს ერთი ადამიანი არის უწყებაში ხელმძღვანელი, რომელიც პროფესიონალიზმის მთავარი ფაქტორიაა, ეს თავის თავში აჩვენებს, რამდენად არასწორია“ - განაცხადა შალვა პაპუაშვილმა.
მთავარი ფოტო: newstimes.ge
