„ქართული ოცნების“ დეპუტატმა, ირაკლი ქადაგიშვილმა, ისაუბრა იმ თვითმმართველობებზე, სადაც „ქართულ ოცნებას“ უმრავლესობა არ ექნება. დეპუტატის თქმით, თუკი მერსა და საკრებულოს შორის თანამშრომლობა არ შედგება, მაშინ კანონით გათვალისწინებულია ხელახალი არჩევნების დანიშვნა.
„რაც შეეხება იმ რამდენიმე საკრებულოს, სადაც “ქართულ ოცნებას“ უმრავლესობა არა აქვს, აქ ჩვენ ორი გზით წავალთ: - ეს იქნება კონკრეტული თანამშრომლობა კონკრეტულ საკითხებზე მერსა და საკრებულოს შორის. თუ საბოლოო ჯამში, ასეთი თანამშრომლობა არ შედგა - არ მოხერხდა ბიუჯეტის დამტკიცება და ასე შემდეგ, მაშინ კანონით გათვალისწინებულია ხელახალი არჩევნების დანიშვნა როგორც მერის, ასევე საკრებულოს მიმართულებით. ჩვენ შეგვიძლია რამდენიმე თვითმმართველობაში პროცესს დავაკვირდეთ, რაც ძალიან საინტერესო იქნება“ - განაცხადა ირაკლი ქადაგიშვილმა.
მთავარი ფოტო: 1tv.ge
