სენატორი ჯინ შაჰინი "ამერიკის ხმის" ქართულ რედაქციასთან მიცემულ ინტერვიუში ამბობს, რომ პრეზიდენტი და ადმინისტრაცია ძალზე შეშფოთებული არიან საქართველოში არსებული ვითარებით. ის ამბობს, რომ კომპრომისზე ორივე მხარემ უნდა იფიქროს, რათა ჩიხიდან გამოსავალი მოძებნონ და დათმობებზე წასვლაც საჭიროა.
"პრეზიდენტი და ადმინისტრაცია ძალზედ შეშფოთებულია საქართველოში არსებული ვითარებით. მქონდა შანსი მელაპარაკა ეროვნული უსაფრთხოების მრჩეველთან და სახელმწიფო მდივანთან. საქართველო რჩება ქვეყანად, რომელსაც ახლოს ვაკვირდებით და გვინდა ვიხილოთ, რომ ქვეყანა წინ მიიწევს დემოკრატიზაციისა და ინსტიტუტების რეფორმის კუთხით. ჩვენ, როგორც დემოკრატია, ვხვდებით, რომ ამას დრო სჭირდება. თუმცა, ახლა გვსურს ვიხილოთ, რომ მხარეები დაუსხდნენ მოლაპარაკების მაგიდას და ამ ჩიხიდან გამოსავალი იპოვონ, რადგან ეს ყველას და პირველ რიგში ქართველი ხალხის ინტერესშია" - განაცხადა სენატორმა.
მთავარი ფოტო: nbcnews.com
