გერმანიასა და ბელგიაში დამანგრეველი წყალდიდობის შემდეგ სტიქიის ჩაწყნარებამ კიდევ უფრო მეტი მსხვერპლი გამოაჩინა. ბოლო მონაცემებით 180-ზე მეტი ადამიანია გარდაცვლილი და ეს რიცხვი შესაძლოა კიდევ გაიზარდოს, რადან ათობით ადამიანი ჯერ კიდევ დაკარგულად ითვლება.

გერმანიამ სტიქიის შედეგად რაინლანდ-პფალცისა და რაინ-ვესტფალიის მხარეში ოფიციალურად 155 ადამიანი გარადცვლილად გამოაცხადა, ხოლო ბელგიამ 27 გარდაცვლილი.

ძლიერი ქარის შედეგად განადგურებულია გზები და ხიდები, დანგრეულია სახლები. ძლიერი წვიმა და წყალდიდობა ევროპის არაერთ ნაწილში იყო, მაგრამ ყველაზე გამანადგურებელი ეფექტი გერმანიასა და ბელგიაში დატოვა.

ევროპელი ლიდერები სტიქიის ერთ-ერთ მიზეზად კლიმატის ცვლილებასა და გლობალურ დათობას ასახელებენ. გერმანიისა და ბელგიის გარდა სტიქიამ ავსტრიის რეგიონი სალზბურგი, შვეიცარია, ლუქსემბურგი და ნიდერლანდებიც დააზარალა.