პარტია "საქართველოსთვის" პოლიტსაბჭოს წევრის, ნათია მეზვრიშვილის განცხადებით, ენმ-ისა და გიორგი გახარიას შესაძლო პოლიტიკური ალიანსის შესახებ გავრცელებული ტყუილები, პირველ რიგში, სწორედ "ქართულ ოცნებას" აზარალებს.
მისი თქმით, სრულიად მოსალოდნელია, რომ რამდენიმე ქართველი პოლიტიკოსი ვაშინგტონში ერთდროულად აღმოჩენილიყვნენ.
"არაფერი გასაკვირი იმაში არ არის, რომ რამდენიმე ქართველი პოლიტიკოსი ერთად აღმოჩნდა ვაშინგტონში. ვფიქრობ, ჩვენი გუნდის წევრებმა საკმაოდ ნათელი პასუხები გასცეს ამ ყველაფერს. უპრეცედენტოდ წარმატებული ვიზიტები გვქონდა ვაშინგტონში და ბრიუსელში. ჩვენი გუნდის ლიდერი და პარტიის წევრები ხვდებიან პრაქტიკულად ყველა ავტორიტეტული ორგანოს წარმომადგენლებს. ჩვენი აზრით, მნიშნველოვანია, რომ ხელისუფლების მცდელობები ქვეყნის პრობლემებიდან გადაგვიყვანოს ტყუილებზე, შემოვაბრუნოთ და ვკონცენტრირდეთ იმ პრობლემებზე, რაც დღეს აქვს საზოგადოებას" - განცხადა მეზვრიშვილმა.
ფოტო: 1TV
