საოკუპაციო ძალების მიერ უკანონოდ დაკავებული ზაზა გახელაძის მამამ, მიხეილ გახელაძემ დღეს ჟურნალისტებთან სოფელ ჭალაში განაცხადა, რომ თუ მისი შვილი არ გათავისუფლდება, ისეთ რამეს გააკეთებს, რაც ისტორიაში დაიწერება.

„ჩვენთვის მნიშვნელობა არ აქვს „ნაციონალია", ოპოზიციაა თუ ვინ არის. ვინც გვერდში დაგვიდგა, ყველას მადლობას ვუხდი. დღეს არის ლომისობა, ლომისის მადლს და ძალას ვფიცავ, სამთავისის ეკლესიის წინაშე ვფიცავ, მე თუ კიდევ მოვითმინო და ასე გავჩერდე. დილას განცხადება გავაკეთე, რომ „როგორც ყველაფერი არ იჭმევა, ისე ყველაფერი არ ითქმის". ამ სიტყვებს ჩავიდებ გულში და თუ ჩემს შვილს რამე არ ეშველება, გავაკეთებ ისეთ რაღაცას, რომ ისტორიაში დაიწეროს“ - განაცხადა მიხეილ გახელაძემ.

მთავარი ფოტო: cyc.ge