თბილისის მერი, კახა კალაძე აცხადებს, რომ ხელისუფლება ყველაფერს აკეთებს იმისთვის, რათა რუსი ოკუპანტების მიერ დატყვევებული ზაზა გახელაძე უახლოეს მომავალში გათავისუფლდეს.
"როგორც ვიცი, შეხვედრა იყო პრემიერ-მინისტრთან, განიხილეს კონკრეტული თემები. ყველაფერი კეთდება იმისთვის, რომ უახლოეს მომავალში მოხდეს მისი გათავისუფლება" - აცხადებს "ქართული ოცნების" გენერალური მდივანი.
ცნობისთვის, ზაზა გახელაძე პატიმრობაში თითქმის ერთი წელია იმყოფება. ის დღეს 34 წლის გახდა. აღსანიშნავია, რომ რუსეთის მთავრობასთან გახელაძის გათავისუფლების შუამდგომლობის თხოვნით დღეს საქართველოს პატრიარქმა, ილია მეორემ რუსეთის პატრიარქს მიმართა.
ფოტო: reginfo
