ცენტრალური საარჩევნო კომისიის თავმჯდომარისგან აბსოლუტურად ამომწურავი, დამაჯერებელი და რაც მთავარია კონკრეტული არგუმენტებით და ფაქტებით გამყარებული პასუხები მივიღეთ. ამის შესახებ საპარლამენტო კომისიის თავმჯდომარემ, გივი მიქანაძემ მას შემდეგ განაცხადა, რაც პარლამენტის დროებითმა საგამოძიებო კომისიის წევრებმა 2020 წლის საპარლამენტო არჩევნებთან დაკავშირებულ საკითხებზე თამარ ჟვანიას მოუსმინეს

„დროებით საგამოძიებო კომისიას არ დაუტოვებია არც ერთი კითხვა, რომელზეც შვიდი თვის განმავლობაში ოპონენტები სხვადასხვა მიმართულებით ცდილობდნენ საზოგადოების დარწმუნებას, რომ ვითომდა ეს არჩევნები გაყალბდა და შედეგები რეალობას არ ასახავდა. ჩვენ სამი საათის განმავლობაში უწყვეტი საუბარი გვქონდა ცენტრალური საარჩევნო კომისიის თავმჯდომარესთან და აბსოლუტურად ამომწურავი, დამაჯერებელი და რაც მთავარია კონკრეტული არგუმენტებით და ფაქტებით გამყარებული პასუხები მივიღეთ, რამაც კიდევ ერთხელ დაგვარწმუნა, რომ თამარ ჟვანიას ხელმძღვანელობით მაქსიმალური გაკეთდა, რომ 2020 წლის არჩევნები თავისუფალ და კონკურენტუნარიან გარემოში ჩატარებულიყო. სწორედ ასეთი შეფასებები მივიღეთ ჩვენი საერთაშორისო პარტნიორების მხრიდანაც“_ განაცხადა გივი მიქანაძემ.

 ფოტო: kvira.ge