ქართული ოცნების დეპუტატი, გივი მიქანაძე, ამბობს, რომ პრაიდის კვირეულის ჩატარება მიზანშეწონილად არ მიაჩნია. მისი თქმით, საზოგადოების უდიდესი ნაწილი არ იზიარებს ამ ღონისძიების ჩატარების საჭიროებას.
„ჩვენ ვხედავთ, რომ საზოგადოების ძალიან დიდი, უდიდესი ნაწილი გარკვეულ გაღიზიანებად და ნეგატიური კუთხით წაქეზებად აღიქვამს ამ პროცესს. რა თქმა უნდა, თითოეული ადამიანის უფლება დაცულია და დაცული იქნება. საზოგადოების უდიდესი ნაწილი არ იზიარებს ამ ღონისძიების ჩატარების საჭიროებას, თუმცა არის ადამიანების ჯგუფი, რომელსაც უნდა. რა თქმა უნდა, თითოეული ადამიანის სურვილი, რომელიც ადამიანის უფლებების კონტექსტში ჯდება, ჩვენთვის პატივსაცემი და მისაღებია. შესაბამისად, სიტყვის, აზრის გამოხატვის თავისუფლება აქვთ კიდევაც და ეს უზრუნველყოფილი და დაცული იქნება.
თუმცა, კარგი იქნება, რომ ამ ადამიანებმა, ისიც გაითვალისწინონ, საზოგადოების ასეთი დიდი ნაწილის მხრიდან რატომ არის აგრესია ამ ღონისძიებასთან მიმართებით. მათ უფლება აქვთ, რომ ეს ჩაატარონ, თუმცა, მათ ადგილზე დაფიქრებაცაა საჭირო, სხვა ადამიანების პოზიცია რა არის ამასთან დაკავშირებით და ეს არ არის პატარა ჯგუფი, ეს არის საზოგადოების უდიდესი ნაწილი, რომლისთვისაც მიუღებელია ამგვარი აქცია“ - ამბობს გივი მიქანაძე.
მთავარი ფოტო: qartlinews.ge
