საპატრიარქოს დაქვემდებარებაში არსებული ნინოწმინდის ბავშვთა პანსიონის ახალი ხელმძღვანელი, მეუფე იაკობი აცხადებს, რომ ის რჩევებსა და რეკომენდაციებს მიიღებს, თუმცა, მის საქმეში არც პატრიარქი და არც მეუფე სპირიდონი არ ჩაერევა. 

მისი თქმით, ის საქმიანობაში ჩართვამდე სახელმწიფოსგან მიწის გამოყოფას ელოდება. საუბარია 1 000 და 1 500 კვადრატამდე მიწის ფართობზე, რომელიც, მეუფის განმარტებით, ბავშვებისთვის სახლის ასაშენებლად გამოიყენებენ.

"მიწას გამოგვიყოფენ და დავიწყებთ. სახელმწიფომ უნდა გამოგვიყოს, რა თქმა უნდა. 1000 და 1500 კვადრატამდე დაგვჭირდება თითო სახლისთვის. ეს ჩვენი სახლებისთვის ხომ არ გვინდა? ხელისუფლების, ევროკავშირის, გაეროს ფონდისა და არასამთავრობო ორგანიზაცია World Vision-ისგან სრული თანხმობაა. რჩევებს და რეკომენდაციებს ყველაფერს გავითვალისწინებთ. არც პატრიარქი, არც მეუფე სპირიდონი და არავინ ჩემს საქმეში არ ჩაერევა" - აცხადებს მეუფე იაკობი.

 ფოტო: 1TV