ჩვენ გვქონდა ძალიან გულღია, გულითადი საუბარი - ამის შესახებ საპატრიარქოს დაქვემდებარებაში არსებული ნინოწმინდის ბავშვთა პანსიონის ახლადდანიშნულმა ხელმძღვანელმა, მეუფე იაკობმა სახალხო დამცველთან, ნინო ლომჯარიასთან შეხვედრის შემდეგ განაცახადა.
მისი თქმით, ის და ლომჯარია მომავალი კვირის ბოლოს დაწესებულებაში ერთად ჩავლენ და იქ არსებულ სიტუაციას ადგილზე გაეცნობიან. მეუფის თქმით, საუბრის დროს, მხარეებს შორის პრეტენზიები არ გამოთქმულა, დიალოგი კი მხოლოდ სამომავლო გეგმებს შეეხებოდა.
"ჩვენ გვქონდა ძალიან გულღია, გულითადი საუბარი, მიმოვიხილეთ ის პრობლემები, რაზეც იყო საუბარი და შევთანხმდით იმაზე, როგორც ქალბატონმა ნინომ ბრძანა, სახალხო დამცველი და მე, ალბათ, შემდეგი კვირის ბოლოს ერთად ჩავალთ პანსიონში და იქ ვნახავთ სიტუაციას" - განაცხადა მეუფე იაკობმა.
