უცნობმა ,,ბერლინის კედლის ფრაგმენტზე“ წარწერა გააკეთა, თუმცა იგი ამის გამო არ დაჯარიმებულა.
არასამთავრობო ორგანიზაცია "ახალგაზრდა თაობა" განცხადებას ავრცელებს, სადაც გერმანიის ელჩს მოუწოდებს რეაგირება მოახდინოს "უცნობის" მიმართ აღნიშნული წარწერის გამო. მიმართვაში აღნიშნულია, რომ მსგავსი რეაგირება დაიცავს ქართულ-გერმანულ ურთიერთობას შემდგომი ასეთი შინაარსის ძეგლების, და მითუმეტეს საერთაშორისო ძეგლების შეურაცხყოფისაგან და ურთიერთობის აბუჩად აგდებისგან.
,,ჩვენთვის არის მიუღებელი ზოგადად ისტორიული ძეგლების დაზიანება. განსაკუთრებით შემაძრწუნებელია, როდესაც ვიღაც თავისი აქციის თუ პერფორმანსის მსვლელობისას ამა თუ იმ ძეგლს იყენებს თავისი პირადი მიზნებისათვის და აზიანებს მას. განსაკუთრებით შემაძრწუნებელია, რომ ასეთი ფაქტი ეხება საერთაშორისო მნიშვნელობის მქონე ძეგლს. ჩვენ ვთვლით, რომ ეს არის არა მარტო საქართველოში არსებული ძეგლის შეურაცხყოფა, არამედ ეს არის გერმანიის ისტორიის უგულებელყოფა, ურთიერთობის უგულებელყოფა და შეურაცხყოფის მიყენება პარტნიორი ქვეყნის ისტორიის მიმართ, მისი ერის მიმართ.
პატივცემულო დიპლომატო, მოგიწოდებთ რეაგირება მოახდინოთ აღნიშნულზე, რამეთუ ამით დავიცავთ გერმანელ ერს და ქართულ-გერმანულ ურთიერთობას შემდგომი ასეთი შინაარსის ძეგლების, და მითუმეტეს საერთაშორისო ძეგლების შეურაცხყოფისაგან და ურთიერთობის აბუჩად აგდებისგან" _ ნათქვამია მიმართვაში.
