მომღერალი გია გაჩეჩილაძე (უცნობი) პროკურატურას მოუწოდებს ჟურნალისტ ვახო სანაიაზე თავდამსხმელები გირაოს სანაცვლოდ გამოუშვას. წინააღმდეგ შემთხვევაში კი აქციებს აანონსებს და ყველაფრის პარალიზებას აპირებს.

„მე მინდა, მივმართო პროკურატურას, გირაოთი გამოშვების შუამდგომლობა დააყენოს, თორემ აუცილებლად მოგიწევთ. არ ვაპირებ არანაირი მიტინგების ჩატარებას და მეგაფონებით სირბილს, ერთადერთ რაღაცას რასაც ვაპირებ – მოსვლას, დგომას და თუ რამე იქნება ისეთი, მაგისტრალების გადაკეტვიდან დაწყებული, ყველაფერს, ასე, მდუმარედ. სანამ ადამიანების გულებში არ აღიძვრება სამართლიანობის მომენტი. გაფრთხილებთ, დაიკეტება ყველაფერი, პარალიზება მოხდება.

29-ში არის მოსალოდნელი პროტესტი, მდუმარე პროტესტი. უბრალოდ ქმედება იქნება, სიტყვები და ლაი-ლაი არ იქნება მდუმარე პროტესტია მოსალოდნელი და აუცილებლად ჩვენ ჩვენს საქმეს გავაკეთებთ. ჩვენ არ დავტოვებთ არავის უსამართლოდ სისტემის წინააღმდეგ, ეს იქნება დებისა და ძმების პროტესტი, ვისაც გული შესტკივა ამ საშინელ უსამართლობაზე“ - განაცხადა გია გაჩეჩილაძემ.

მთავარი ფოტო: everydaygeorgia.ge