ექიმ-ინფექციონისტის, მაია ბუწაშვილის განცხადებით, რეგულაციები, რომლებიც სასაფლაოებზე გასვლასთან დაკავშირებით საკოორდინაციო საბჭოს მიერ დაწესდა, დაუსაბუთებელია.
პროფესორი განმარტავს, რომ აღნიშნული შეზღუდვის დაწესება ვერ მოახერხებს ეპიდემიოლოგიური სიტუაციის რადიკალურ გაუმჯობესებას, რადგან საფლავზე ძირითადად, ოჯახის წევრები იკრიბებიან, რომლებიც დროს ისედაც ერთად ატარებენ.
"ალბათ, ცოტა დაუსაბუთებელია სასაფლაოებთან დაკავშირებული რეგულაცია, იმიტომ, რომ არ მგონია, ამან რადიკალურად გაუმჯობესება მოახდინოს ეპიდემიოლოგიური სიტუაციის, ვგულისხმობ, სასაფლაოების ჩაკეტვას, რაც ზოგიერთი ადამიანისთვის ძალიან მწვავედ აღქმადი გახდა. ეს არის ღია სივრცე, ძირითადად ოჯახის წევრები იკრიბებიან ხოლმე, რომლებიც ისედაც კონტაქტში არიან ერთმანეთთან და ალბათ ეს რაღაც გადამჭრელი არ არის და არც იყო აუცილებელი. იგივე ადამიანები შეიძლება პირიქით დახურულ სივრცეში და სახლებში შეიკრიბონ დღესასწაულის აღსანიშნად" - განაცხადა ბუწაშვილმა.
ფოტო: Facebook
