მომღერალი გია გაჩეჩილაძე, იგივე "უცნობი", საზოგადოებრივ მოძრაობა "აი ია"-ს აფუძნებს. ამის შესახებ გადაწყვეტილება 9 აპრილს ორგანიზებული აქციის შემდეგ მიიღო. გაჩეჩილაძის თქმით, ამ შეკრებით დადასტურდა, რომ ხალხი შექმნილი პოლიტიკური კრიზისით დაიღალა და სიტუაციას განმუხტვა სჭირდება. ასევე აღნიშნავს, რომ "ქართულმა ოცნებამ" საზოგადოების დაკვეთის შესრულება 9 წლის განმავლობაში ვერ მოახერხა და პოლიტიკური ველიდან "ნაციონალური მოძრაობა" ვერ განდევნა. გაჩეჩილაძე არ გამორიცხავს, პოლიტიკურ ცხოვრებაშიც ჩაერთოს.
,,ქართული ოცნება" მოწყდა ხალხს და მოწყდა საზოგადოებას. იგი დღეს ცდილობს 'ნაციონალების" გაკოტრებული რადიკალური და კრიმინალური ჯგუფი ძალით შეინარჩუნოს, რათა გაიხანგრძლივოს ხელისუფლებაში ყოფნა. ჩვენთვის მიუღებელია, როცა "ქართული ოცნება" თავის მართლების რეჟიმშია დასავლეთის იმ წარმომადგენლებთან, რომლებიც უსამართლოდ ითხოვენ კრიმინალების ციხიდან გამოშვებას და ნებისმიერ ფასად მათ პარლამენტში შესვლას. უნდა დავასრულოთ ეს მარაზმი“ _ განაცხადა გაჩეჩილაძემ.
მისივე ორგანიზებით დღეს „ევროპის მოედანზე“ შეკრება გაიმართა, სადაც ადამიანებმა მომღერლის იდეა გაიზიარეს და სიმბოლურად, 9 აპრილს, „საქართველოს მარადისობის დღე“ დააფუძნეს.
ფოტო: facebook
