ესტონეთის ყოფილმა პრეზიდენტმა, ტოომას ჰენდრიკ ილვესმა „ინტერპრესნიუსისთვის“ მიცემულ ინტერვიუში განაცხადა, რომ საქართველო ამჟამად ყურადღების ცენტრში არ არის და აშშ-ს ბევრი საფიქრალი აქვს.

მას ეჭვი ეპარება, ევროკავშირმა საქართველოს სანქციები დაუწესოს, რადგან საქართველო არც ასეთი მნიშვნელოვანია.

„უნდა გესმოდეთ, რომ არც ისეთი მნიშვნელოვანი ხართ. დიახ, თქვენ არც ისე მნიშვნელოვანი ხართ. მომეცით ნება, დავაზუსტო: საქმე იმაშია, რომ თქვენ ყურადღების ცენტრში არ ხართ. ახლა ბევრი რამაა ყურადღების ცენტრში და საქართველო მათ შორის არ არის. როდესაც ვამბობ, რომ არც ისეთი მნიშვნელოვანი ხართ, ეს ნიშნავს, რომ მათგან ძალისხმევაა საჭირო: „რა გავაკეთოთ?“ არამედ ვითარება უფრო ამას ჰგავს: „უბრალოდ, დავივიწყოთ ეს“. მხედველობაში მაქვს, რომ ისინი არც ტაჯიკეთზე ფიქრობენ. გსურთ, იყოთ ტაჯიკეთი? არა, მაგრამ ისე მოქმედება, როგორც ახლა ქვეყანა იქცევა, ამას იწვევს: „კარგი ერთი, ვის ადარდებს.

შეერთებულ შტატებს ახლა კიდევ ბევრი სხვა საფიქრალი აქვს. დიახ, თქვენ მსოფლიოს ცენტრი არ ხართ. ახლა უკრაინაში კრიზისია, ჯანდაცვის კრიზისია, არის ჩინეთი - თქვენ არ ხართ მათ რადარზე“ - განაცხადა ტოომას ჰენდრიკ ილვესმა.

მთავარი ფოტო: hwww.delfi.ee