საქართველო ინარჩუნებს სავაჭრო ურთიერთობებს რუსეთის ფედერაციასთან. ხდება ექსპორტირება, იმპორტირება, ეს არის ჩვენი გაცხადებული პოზიცია. ამის შესახებ საპარლამენტო უმრავლესობის წევრმა, ირაკლი კობახიძემ ჩანაწერებზე საუბრისას განაცხადა.
მისი თქმით, ჩანაწერები ავთენტური რომც იყოს, იქ არაფერზეა საუბარი სავაჭრო ურთიერთობების გარდა.
,,რომც დავუშვათ, რომ ეს ჩანაწერი არის ავთენტური, აქ საუბარია რაღაც სავაჭრო ურთიერობებზე. საქართველოს აქვს ოფიციალურად დადასტურებული პოზიცია ამ თემაზე, კერძოდ, საქართველო ინარჩუნებს სავაჭრო ურთიერთობებს რუსეთის ფედერაციასთან. ხდება ექსპორტირება, იმპორტირება, ეს არის გაცხადებული. უკრაინაც რომ ავიღოთ, ისიც ინარჩუნებს სავაჭრო ურთიერთობებს რუსეთთან. ის, რომ საქართველო ინარჩუნებს სავაჭრო ურთიერთობებს, ამაში არ არის არაფერი არც კანონსაწინაღმდეგო და არც ამორალური, მით უმეტეს იმ პირობებში, როდესაც უკრაინაც ინარჩუნებს ასეთი ტიპის ურთიერთობებს რუსეთთან“ _ განაცხადა ირაკლი კობახიძემ.
