კრემლის პრესსპიკერის დიმიტრი პესკოვის თქმით, რუსეთის შემადგენლობაში ახალი ტერიტორიების შესვლის შესახებ შეთანხმებას 30 სექტემბერს კრემლში მოეწერება ხელი.
,,ხვალ კრემლში გაიმართება ხელშეკრულების ხელმოწერა რუსეთის ფედერაციაში ახალი ტერიტორიების შესვლის შესახებ. ღონისძიებაზე პრეზიდენტი პუტინი სიტყვით გამოვა“ _ აღნიშნა პესკოვმა.
ცნობისთვის, უკრაინის ოკუპირებულ ოთხ რეგიონში - დონეცკში, ლუგანსკში, ზაპოროიესა და ხერსონის ნაწილში რუსეთთან შეერთების საკითხზე ე.წ. ,,რეფერენდუმები“ გაიმართა. კრემლის მტკიცებით, მოსახლეობის უმრავლესობამ ,,რუსეთთან შეერთებას“ დაუჭირა მხარი. ამ რეფერენდუმების შედეგებს უკრაინა და დასავლეთი არ აღიარებენ და რუსეთის მიერ უკრაინის ტერიტორიების ანექსიად აფასებენ.
