,,სტრატეგია აღმაშენებელს“ ჩვენი პროექტი მზად გვაქვს, სადაც ტექნოლოგიების გამოყენებით არჩევნების ჩატარების ინიციატივით გამოვდივართ. ამის შესახებ პარტიის წევრმა პაატა მანჯგალაძემ განაცხადა. მისი თქმით, ,,ქართული ოცნების“ ინიციატივას ელექტრონულ არჩევნებთან დაკავშირებით გაეცნობიან და შემდეგ გადაწყვეტენ მხარი დაუჭირონ თუ არა.
,,უნდა ვნახოთ ინიციატივა და შემდეგ გავაკეთებთ განცხადებას, ვეთანხმებით თუ არა. „სტრატეგია აღმაშენებელს“ ჩვენი პროექტი მზად გვაქვს, სადაც ტექნოლოგიების გამოყენებით არჩევნების ჩატარების ინიციატივით გამოვდივართ. თუ შევთანხმდებით, ერთი და იმავეზე ვლაპარაკობთ, მაშინ რა თქმა უნდა მხარს დავუჭერთ. არანაირი პრობლემა არ გვაქვს, რომ არჩევნები ჩატარდეს ისე, რომ გაყალბების, ადამიანური ფაქტორის და მანიპულაციის შესაძლებლობა „ქართულ ოცნებას“ არ ჰქონდეს. ტექნოლოგიების გამოყენება კარგია, ადამიანის მანიპულაციის, ადამიანის შეცდომის და ადამიანის მიერ არჩევნებზე გავლენის რისკებს ამცირებს“ _ აცხადებს პაატა მანჯგალაძე.
