„გირჩი – მეტი თავისუფლების“ წევრი ცოტნე კობერიძე კატაკომბური მართლმადიდებლური ეკლესიის მღვდელი გახდა. ამის შესახებ ის Facebook-ზე წერს და ამ ფაქტის დამადასტურებელ მოწმობას აქვეყნებს. როგორც მოწმობაშია აღნიშნული, საერთო კრების გადაწყვეტილებით, მას მღვდელმსახურის წოდება მიენიჭა.

,,გაცნობებთ რომ დღეიდან ოფიციალურად ვარ საერთაშორისო მართლმადიდებლური ლაზურ - ხალიბური კატაკომბური ეკლესიის მღვდელი.
პს. საშემოდგომო გაწვევა დაიწყო“ _ აღნიშნავს ცოტნე კობერიძე.

ცნობისთვის, 2019 წლის აპრილში შეიქმნა გირჩის - ,,ბიბლიური თავისუფლების" მსგავსი მართლმადიდებლური რელიგიური ორგანიზაცია, რომლელიც ახალგაზრდებს სამხედრო სავალდებულო სამსახურიდან ათავისუფლებს.