მოქმედი სახალხო დამცველის მონაცემები უნდა ავიღოთ, რათა სწორი წარმოდგენა გვქონდეს, როგორი არ უნდა იყოს სახალხო დამცველი. ამის შესახებ პარლამენტის ვიცე-სპიკერმა გია ვოლსკიმ განაცხადა. მისი თქმით, შემდეგში არჩევანი ისეთ სახალხო დამცველზე უნდა გაკეთდეს, ვინც არცერთ პოლიტიკურ პარტიას არ მიემხრობა, განსხვავებით მოქმედი სახალხო დამცველისგან, რომელიც პოლიტიკური პოზიციის მქონე ადამიანია.
,,საკმაოდ რთულია სახალხო დამცველის ისეთი კანდიდატურის შერჩევა, რომელიც პოლიტიკურად ანგაჟირებული არ იქნება, მხარს არავის დაუჭერს და სამართლიანი იქნება. ახლა როგორ სახალხო დამცველსაც ვხედავთ – მისი პოზიციიდან, განცხადებებიდან და ქმედებებიდან გამომდინარე, ის არის აშკარად გამოხატული პოლიტიკური პოზიციის მქონე ადამიანი, რომლის მონაცემებიც უნდა ავიღოთ, რათა სწორი წარმოდგენა გვქონდეს, როგორი არ უნდა იყოს სახალხო დამცველი – ამის საპირისპიროდ ისეთი უნდა ავირჩიოთ, რომელიც არც ერთ პოლიტიკურ პარტიას არ მიემხრობა.
როცა ოპოზიციის რადიკალური ნაწილი განხილვების პროცესში არ მონაწილეობს, ეს ნიშნავს, რომ რაც არ უნდა სწორი ფორმულა შესთავაზო, კონსტრუქციულ განხილვაში მონაწილეობას მაინც არ მიიღებს“ _ განაცხადა გია ვოლსკიმ.
