რუსეთი დაბომბავს დერეფნებს, რომლითაც აესს-ის მისია უნდა მივიდეს ზაპოროჟიეს ელექტროსადგურამდე. ამის შესახებ პრეზიდენტის აპარატის უფროსის მრჩეველი მიხაილო პოდოლიაკი წერს.

"ყველაფერი პროგნოზირებადია. რუსეთი განზრახ დაბომბავს დერეფნებს, რომლითაც აესს-ის მისია უნდა მივიდეს ზაპოროჟიეს ელექტროსადგურამდე. ერთადერთი, რაც შეგვიძლია შევთავაზოთ, ყირიმიდან გავლაა. უკრაინის პოზიცია უცვლელია. მხოლოდ უკრაინის მიერ კონტროლირებადი ტერიტორიიდან მოხდება გავლა. დემილიტარიზაცია ატომური ელექტროსადგური. რუსული ჯარების დაუყოვნებლივ გაყვანა. სადგურზე - მხოლოდ უკრაინელი პერსონალი" _ წერს პოდოლიაკი.

ცნობისთვის, ზაპოროჟიეს ატომურ ელექტროსადგურზე ატომური ენერგიის საერთაშორისო სააგენტოს მისიის ვიზიტს რუსი ოკუპანტები ხელს უშლიდნენ და მათ ელექტროსადგურთან მისასვლელად ბარიერს ხელოვნურად უქმნიდნენ. ატომური ენერგიის საერთაშორისო სააგენტოს მისია კიევში დღეს ჩავიდა. 14 წევრისგან შემდგარი მისია კიევიდან ზაპოროჟიეს ატომური ელექტროსადგურისკენ მიმდინარე კვირის ბოლოს გაემართება.

ბოლო რამდენიმე კვირაა, ზაპოროჟიეში მდებარე ატომური ელექტროსადგურის მიმდებარე ტერიტორიის ხშირი დაბომბვები მიმდინარეობს, რაშიც რუსული და უკრაინული მხარე ერთმანეთს ადანაშაულებენ.