საგარეო ურთიერთობათა კომიტეტის თავმჯდომარე, ნიკოლოზ სამხარაძე აცხადებს, რომ საქართველოს საგარეო ურთიერთობათა კომიტეტი უკრაინის მხარდამჭერ განცხადებას გააკეთებს.
სამხარაძე ამბობს, რომ ის უკრაინელ კოლეგას ესაუბრა, რის შედეგადაც კომიტეტმა უკრაინის მხარდასაჭერი განცხადების გაკეთება გადაწყვიტა.
დღეს ესტონეთის ყოფილმა პრეზიდენტმა, ტომას ჰენდრიკმა აღნიშნა, რომ საქართველო მხარს არ უჭერს უკრაინას რუსეთის აგრესიის ფონზე, რის საპასუხოდაც, სამხარაძე აცხადებს:
"არ მგონია, რომ ვინმეს პრეტენზია შეიძლება ჰქონდეს, მით უმეტეს, მესამე მხარეს, ქართულ-უკრაინულ ურთიერთობებთან და ჩვენს პოლიტიკასთან დაკავშირებით უკრაინის მიმართ. ისინი გრძნობენ ამ მხარდაჭერას და მადლიერნი არიან".
ფოტო: 1TV
