საქართველოს პრემიერ-მინისტრის, ირაკლი ღარიბაშვილის განცხადებით, გუდაურთან მომხდარი ტრაგედიის დროს გარდაცვლილთა ოჯახებს სახელმწიფო 100 000 ლარს გამოუყოფს. ამის შესახებ ღარიბაშვილმა მთავრობის სხდომაზე განაცხადა.
,,ჩვენ დავკარგეთ ამ ქვეყნის ღირსეული შვილები - ეკიპაჟის წევრები და მაშველები, ასევე გამოჩენილი მფრინავები. მე ძალიან კარგად ვიცნობდი ამ ადამიანებს. წლებია, ჩვენ ერთად ვმგზავრობდით და მე მინდა კიდევ ერთხელ მივუსამძიმრო მათ ოჯახებს და მთელ საზოგადოებას, სამინისტროს ხელმძღვანელობას და თითოეულ თანამშრომელს, ასევე დაღუპულ ექიმებს. ამ დიდმა ტრაგედიამ ყველას დაგვწყვიტა გული. სახელმწიფო მაქსიმალურად დაუდგება გვერდში მათ ოჯახებს. სამინისტრო თითოეულ ოჯახს გამოუყოფს 100 000 ლარს, ჯანდაცვის სამინისტრო გამონაკლისის სახით ასევე გამოყოფს ექიმებისთვის 100 000 ლარს“ _ განაცხადა ირაკლი ღარიბაშვილმა.
