,,მოქალაქეების“ ლიდერი ალეკო ელისაშვილი გუდაურში, სასაზღვრო პოლიციის კუთვნილი ვერტმფრენის ჩამოვარდნას სოციალურ ქსელში ეხმაურება:
,,გაანათლოს ღმერთმა ყველა ვინც დღეს დაიღუპა გუდაურში! საშინელი ტრაგედია მოხდა. ისევ უნდა ვთქვა მიზეზებზე და დავსვა კითხვები:
- რატომ არის პარაპლანებით ფრენებზე სრული განუკითხაობა? სანამ ასეთი ტრაგედიები არ მოხდება
ყური არ უნდა შეიბერტყოს სახელმწიფომ?
- სრულიად ამორტიზირებული, საბჭოური წარმოების სატრანსპორტო შვეულმფრენები როდის უნდა შეცვალოს შსს-მ? ასეთ მთაგორიან ქვეყანაში რატომ რ გვყავს არცერთი სამაშველო-სატრანსპორტო თანამედროვე შვეულმფრენი? შავი ჯიპების ფული ხო აქვს მთავრობას და ნორმალური სამაშველო შვეულმფრენის ფულს ვერ ვშოულობთ ხო?“ _ წერს ალეკო ელისაშვილი.
ცნობისთვის, გუდაურში სასაზღვრო პოლიციის ვერტმფრენმა მართვა დაკარგა, ჩამოვარდა და აფეთქდა. ვერტმფრენით გუდაურში დაშავებული პარაპლანისტების სამაშველო ღონისძიება მიმდინარეობდა. შსს-ს განცხადებით, მომხდარის შესახებ დეტალები მოგვიანებით გავრცელდება.
