გუდაურში მომხდარი ტრაგიკული შემთხვევის გამო, მცხეთა–სტეფანწმინდა–ლარსის საავტომობილო გზის 94-ე კილომეტრთან ტრანსპორტის გადაადგილება დროებით აიკრძალა. ინფორმაციას საავტომობილო გზების დეპარტამენტი ავრცელებს.
,,გუდაურში, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის 94-ე კილომეტრთან, შინაგან საქმეთა სამინისტროს სასაზღვრო პოლიციის კუთვნილი ვერტმფრენის ჩამოვარდნის გამო, გზის აღნიშნულ მონაკვეთზე, სამაშველო ღონისძიებების დასრულებამდე, დროებით ყველა სახის ავტოტრანსპორტის მოძრაობა აკრძალულია“ _ წერია ინფორმაციაში.
