,,ქართველი ხალხი ბევრად უფრო თავისუფლების მოყვარე და გონიერია, ვიდრე თქვენ გეჩვენებათ“ _ გოგა ხაინდრავა კელი დეგნანს
კინორეჟისორი გოგა ხაინდრავა Twitter-ზე საქართველოში ამერიკის ელჩის, კელი დეგნანის განცხადებას ეხმაურება.
როგორც კელი დეგნანმა თავის განცხადებაში აღნიშნა, მისთვის გაუგებარია, რატომ ცდილობს პოლიტიკოსების ნაწილი ამერიკასა და საქართველოს შორის ასეთ კრიტიკულ დროს, განხეთქილებას.
ნამდვილად გაუგებარია, განსაკუთრებით მაშინ, როდესაც ამ პოლიტიკოსებს სათავეში თქვენ უდგახართ ქალბატონო ელჩო! - ასე გამოეხმაურა ხაინდრავა ელჩის განცხადებას.
,,ნამდვილად გაუგებარია, განსაკუთრებით მაშინ, როდესაც ამ პოლიტიკოსებს სათავეში თქვენ უდგახართ ქალბატონო ელჩო! ქართველი ხალხი ბევრად უფრო თავისუფლების მოყვარე და გონიერია ვიდრე თქვენ გეჩვენებათ. ღმერთმა დაიფაროს ამერიკა!“ _ წერს ხაინდრავა.
როგორც აშშ-ის ელჩმა, კელი დეგნანმა განაცხადა, საქართველოს შეერთებულ შტატებზე დიდი მეგობარი არ ჰყავს და ბუნებრივი მოკავშირეებისგან საქართველოს დაშორება მხოლოდ ვიწრო ინტერესებს ემსახურება და არა ქართველ ხალხს. მისივე თქმით, მისთვის რთულია იმის გაგება, თუ რატომ არის ზოგიერთი პოლიტიკოსი ასე მონდომებული, დაყოს საქართველო და მისი მოკავშირეები, ასეთ დროს.
