პარლამენტს წარედგინა კანონპროექტი, რომლის მიხედვითაც მწვანე ნარგავების დაზიანების ან თვითნებურად გაჩეხის შემთხვევაში ჯარიმა პირველ ჯერზე 5 000, ხოლო განმეორების შემთხვევაში 10 000 ლარი იქნება. ამის შესახებ თბილისის მერმა კახა კალაძემ განაცხადა.

აღსანიშნავია, რომ დღემდე არსებული კანონის თანახმად, მწვანე ნარგავების დაზიანების ან გაჩეხვის შემთხვევაში ჯარიმა პირველ ჯერზე 500 ლარი, ხოლო განმეორების შემთხვევაში 1 000 ლარი იყო, ახალი კანონპროექტის თანახმად კი ეს თანხა გაათმაგდება.

,,ამავე კანონის მიხედვით, პირი, რომელიც მწვანე ნარგავების ხარისხობრივ შეფასებაზე გასცემს არასწორ დასკვნას, დაჯარიმდება 10 000 ლარით პირველ ჯერზე, ხოლო განმეორებით ჩადენის შემთხვევაში, შეიძლება ლიცენზია ჩამოერთვას და საქმიანობაც აეკრძალოს“ _ განაცხადა კახა კალაძემ.