არც კი უნდოდათ განაცხადის შეტანა ევროკავშირში და ოპოზიციამ მივაღებინეთ იძულებით რეზოლუციის პროექტი, გავგზავნეთ წერილი ევროკავშირში, რომ არ დაიჩაგროს ქვეყანა ცუდი მთავრობის გამო. ვინც არაფერს აკეთებს, ან პირიქით - აფუჭებს, ეს არის საქართველოს მთავრობა. ამის შესახებ ,,ნაციონალური მოძრაობის“ დეპუტატმა რომან გოცირიძემ ჟურნალისტებთან საუბრისა განაცხადა.
როგორც იგი აღნიშნავს, თუ საქართველო უკრაინას და მოლდოვას ჩამორჩება და კანდიდატის სტატუსს ვერ მიიღებს, ხელისუფლება შეეცდება ეს ოპოზიციას გადააბრალოს.
,,ყველა პარტიამ, რის გაკეთებაც შეეძლო, გააკეთა, ვაჩვენეთ ოპოზიციური ერთიანობა, არც კი უნდოდათ განაცხადის შეტანა ევროკავშირში და ოპოზიციამ მივაღებინეთ იძულებით რეზოლუციის პროექტი, გავგზავნეთ წერილი ევროკავშირში, რომ არ დაიჩაგროს ქვეყანა ცუდი მთავრობის გამო. ვინც არაფერს აკეთებს, ან პირიქით - აფუჭებს, ეს არის საქართველოს მთავრობა. თუ ამ პროცესში საქართველო უკრაინას და მოლდოვას ჩამორჩება, ვიღაცას გადააბრალონ, სამარცვინო გადაბრალების მრავალწლიანი პროცესი კიდევ უფრო აღვირახსნილ ფორმას იღებს და ასეთი ლზუნგით მთავრდება - ოპოზიციას არ უნდა გაწევრიანება, ე.ი. ომი და მეორე ფრონტის გახსნა უნდა! რომელმა სულელემა დაუწერა ეს ლოზუნგი? ეტყობა ივანიშვილს ჰყავს მრჩევლები, სუფრაზე ხან უმღერებენ, მერე ჭამენ, სვამენ ერთად აგარაკზე, ვინ ჰყავთ მრჩევლები ვიცით და ალბათ, იმათ ურჩიეს“ _ განაცხადა რომან გოცირიძემ.
აღნიშნული კომენტარი გოცირიძემ მას შემდეგ გააკეთა, რაც ირაკლი კობახიძემ განაცხადა, რომ რადიკალური ოპოზიციის მიზანი მარტივია საქართველომ არ მიიღოს კანდიდატის სტატუსი, რასაც საზოგადოების მღელვარება, ნაცმოძრაობისა და მისი სატელიტების მიერ ხელისუფლების გადატრიალება და საქართველოს ომში ჩართვა მოჰყვება.
