ვლადიმერ პუტინის ახლო მეგობარი ვიქტორ მედვედჩუკი მიმართვაში უკრაინისა და რუსეთის პრეზიდენტებს საკუთარი თავის მარიუპოლის დამცველებსა და მაცხოვრებლებში გაცვლას სთხოვს. მიმართვა სპეცსამსახურმა გამოაქვეყნა.
,,მე, ვიქტორ ვლადიმიროვიჩ მედვედჩუკს, მინდა მივმართო რუსეთის ფედერაციის პრეზიდენტს ვლადიმერ პუტინს და უკრაინის პრეზიდენტს ვოლოდიმირ ზელენსკის თხოვნით, რომ უკრაინულმა მხარემ გამცვალოს მარიუპოლის დამცველებზე და დღეს იქ მყოფ მოსახლეობაზე, რომელთაც ჰუმანიტარული დერეფნებით გამოსვლის საშუალება არ აქვთ“ _ აცხადებს მედვედჩუკი.
უკრაინის ოპოზიციონერი დეპუტატი, ვლადიმერ პუტინის ნათლიმამა ვიქტორ მედვედჩუკი უკრაინის სპეცსამსახურმა 12 აპრილს დააკავა. ის კიევის გასასვლელთან გზაში დააკავეს, საიდანაც, ივან ბაკანოვის თქმით, ის გაქცევას ცდილობდა ჯერ დნესტრისპირეთში, შემდეგ კი მოსკოვში.
