ბუჩას მერის განცხადებით, ოკუპირებულ ბუჩაში რუსმა სამხედროებმა მოკლეს ყოველი მეხუთე მცხოვრები, რომელიც ბუჩაში დარჩა. მისი თქმით, განსაკუთრებით მძიმე დანაშაულები ბუჩასა და ვორზელში დაფიქსირდა.
,,დავითვალეთ: ბუჩაში მოკლულია ყოველი მეხუთე იმ ადამიანიდან, რომელიც ოკუპაციისას ქალაქში დარჩა. განსაკუთრებით მძიმე დანაშაულები, როგორიცაა: ჯგუფური გაუპატიურება, ბავშვთა მკვლელობა, დაფიქსირდა ბუჩაშიც და ვორზელშიც. როგორი მძიმეც არ უნდა იყოს ამაზე საუბარი, საჭიროა მათ შორის რუსულ ენაზეც. დაე, რუსმა დედებმა გაიგონ, რა გააკეთეს ბუჩაში მათმა შვილებმა“ _ განაცხადა ანატოლი ფედორუკმა.
