პოლიტიკური გაერთიანება ,,გირჩის" წარმომადგენლები პარლამენტის თავმჯდომარესთან ერთად უკრაინის ქალაქ ბუჩაში წასასვლელად მზარდყოფნას გამოთქვამენ.
,,გირჩის პარლამენტის წევრები, გამოვთქვამთ სურვილს და მზადყოფნას, წავიდეთ ქალაქ ბუჩაში, პარლამენტის თავმჯდომარესთან ერთად, სოლიდარობის და სამძიმრის გამოსახატადავ" _ წერია პარტიის განცხადებაში.
საქართველოში უკრაინის ელჩის მოვალეობის შემსრულებელმა ანდრეი კასიანოვმა განაცხადა, რომ საქართველოს პარლამენტის თავმჯდომარეს შალვა პაპუაშვილს მისი უკრაინელი კოლეგისგან ბუჩაში ჩასვლის მოწვევა გაეგზავნა. ,,დღეს მსოფლიომ ნახა და დაგმო სამხედრო დანაშაულები ბუჩაში. თქვენ გეცოდინებათ, რომ უკრაინის უმაღლესი რადას თავმჯდომარემ, ბატონმა სტეფანჩუკმა, მიმართა ყველა პარლამენტარს ჩამოვიდნენ ბუჩაში და საკუთარი თვალით ნახონ ეს დანაშაულები. შესაბამისი მოწვევა მიიღო ასევე საქართველოს პარლამენტის თავმჯდომარემ, ბატონმა შალვა პაპუაშვილმა" _ განაცხადა კასიანოვმა.
