,,ქართული ოცნების“ გენერალური მდივანი, თბილისის მერი კახა კალაძე ,,პატრიოტთა ალიანსის“ მოსკოვში ვიზიტს გამოეხმაურა. მისი თქმით, მსგავსი ვიზიტები მისთვის კატეგორიულად მიუღებელია.
„რა ნეიტრალიტეტზეა საუბარი მაშინ, როდესაც მეგობარ ქვეყანაში ომია, ადამიანები იხოცებიან, ქვეყანა ინგრევა, ქალაქები ნადგურდება? ასეთი ვიზიტები ნამდვილად არ არის მისაღები. ჩემთვის პირადად, კატეგორიულად მიუღებელია“ _ განაცხადა კახა კალაძემ.
ცნობისთვის, ,,საქართველოს პატრიოტთა ალიანსმა“ გუშინ მოსკოვში შეხვედრა გამართა. შეხვედრაზე მათ რუსეთ-საქართველოს ურთიერთობების განვითარების საკითხები განიხილეს და რუსეთის მხარეს დაუდასტურეს, რომ პარტია საერთაშორისო ასპარეზზე ქვეყნის ნეიტრალიტეტის ერთგულია.
