უკრაინის საგარეო საქმეთა მინისტრის დმიტრო კულებას განცხადებით, ისინი ელოდებიან მტკიცებულებებსა და დამაჯერებელ არგუმენტებს, რომ საქართველო არ ეხმარება რუსეთს სანქციების გვერდის ავლაში.
,,საქართველოსგან ჩვენ ველოდებით ოფიციალურ მტკიცებულებებსა და დამაჯერებელ არგუმენტებს, რომ ისინი ამას არ აკეთებენ. შემდეგ ჩვენ გადავწყვეტთ, რა მოვიმოქმედოთ, თუ ეს მტკიცებულებები და არგუმენტები საკმარისად დამაჯერებელი არ იქნება“ _ განაცხადა კულებამ.
შეგახსენებთ, გუშინ, 5 აპრილს საქართველოს სახელმწიფო უსაფრთხოების სამსახურმა მოუწოდა უკრაინულ მხარეს, დაუყოვნებლივ მიაწოდონ მტკიცებულებები კონტრაბანდული იარაღის შესახებ გავრცელებულ ინფორმაციაზე.
