ქალაქ ენერგოდარში არსებული ზაპოროჟიეს ატომური ელექტროსადგური რუსი სამხედროების კონტროლქვეშაა. ინფორმაციას ამის შესახებ უკრაინის ბირთვული რეგულირების სახელმწიფო ინსპექციის პრესსამსახური ავრცელებს.
არსებული ინფორმაციით, ოპერატიული პერსონალი ენერგობლოკების მდგომარეობას აკონტროლებს და მათ უსაფრთხო მუშაობას უზრუნველყოფს. ბირთვული რეგულირების სახელმწიფო ინსპექციის ცნობით, რადიაციული ცვლილება ამ დროისთვის არ ფიქსირდება.
მედიის ცნობით, 4 მარტს, ღამით რუსი ოკუპანტების მიერ ნასროლი ჭურვი მოხვდა ზაპოროჟიეს ატომური ელექტროსადგურის პირველ ენერგობლოკს, რის შედეგადაც გაჩნდა ხანძარი. მომხდარს რუსეთის პრეზიდენტი ვოლოდიმირ ზელენსკი გამოეხმაურა. მან რუსეთი ბირთვულ ტერორიზმში დაადანაშაულა.
