ევროპისა და ნატო-ს წევრი ქვეყნები, რომლებსაც ჩვენზე გაცილებით მეტი ეკონომიკური და სამხედრო პოტენციალი აქვთ, თავს იკავებენ იმისგან, რომ მათი ქვეყნების უსაფრთხოებას რაიმე დაემუქროს. ამის შესახებ პარლამენტის თვითმმართველობის კომიტეტის თავმჯდომარე სოზარ სუბარმა განაცხადა. მისი თქმით, ოპოზიცია უკრაინაში არსებულ ვითარებას ხელისუფლებაში მოსასვლელად იყენებს.
,,საქართველო მსოფლიოში ერთადერთი ქვეყანაა, სადაც ოპოზიცია მხარს უჭერს არა უკრაინას, არამედ მომხდარ კატასტროფას ხელისუფლებაში მოსასვლელად იყენებენ. საქართველოს მთავრობა პრემიერ-მინისტრის მეთაურობით აპირებს, რომ ამ ურთულეს წუთებში საქართველოში შევინარჩუნოთ მშვიდობა, რომელიც ასე ძალიან გვჭირდება. თუ ამ მშვიდობას რაიმე დაემუქრა, არ ვიცით, ხვალ სამშობლო, სახელმწიფო გვექნება თუ არა. კარგად ვხედავთ, რომ ევროპისა და ნატო-ს წევრი ქვეყნები, რომლებსაც ჩვენზე გაცილებით მეტი ეკონომიკური და სამხედრო პოტენციალი აქვთ, თავს იკავებენ იმისგან, რომ მათი ქვეყნების უსაფრთხოებას რაიმე დაემუქროს. არ უნდა დავუშვათ ომი, რომელიც ბოლო 30 წლის განმავლობაში რამდენიმეჯერ გადავიტანეთ“ _ აცხადებს სოზარ სუბარი.
