ჰაკერული დაჯგუფება ,,ანონიმუსი“ პუტინის აგრესიის წინააღმდეგ კიბერნეტიკულ ომს განაგრძობს. ამჯერად ისინი აცხადებენ, რომ რუსეთის რამდენიმე სამთავრობო ვებგვერდი ისევ გათიშეს, მათ შორის: კრემლის, დუმისა და თავდაცვის სამინისტროს გვერდები. როგორც ისინი ამბობენ, ებრძვიან პუტინს და არა რუსებს.
,,ჩვენ რუსეთს არ ვებრძვით, ჩვენ ვებრძვით პუტინს. რუსი ხალხი მხარს არ უჭერს პუტინის აგრესიულ ომს უკრაინელების წინააღმდეგ“ _ წერს ,,ანონიმუსი“.
სოციალურ ქსელში გავრცელებულ ვიდეოში კი ისინი პუტინს ასე მიმართავენ:
,,ამ ომს თქვენ ვერ მოიგებთ, რა ძლიერიც არ უნდა გეგონოთ საკუთარი თავი. ჩვენ ვართ ანონიმუსი, ჩვენ ვართ რეგიონი, გველოდეთ".
