ჩვენთვის კატასტროფაა, რომ გვყავს ხელისუფლება, რომელიც ცდილობს იმ ხაზის გატარებას, რომ საქართველოს, ან ნებისმიერი მისი ხელისუფლების ბრალია, რომ პუტინის რუსეთი იჩენს აგრესიას, რომ იყო მსხვერპლი და გვაქვს ოკუპირებული ტერიტორიები. ამის შესახებ ,,ევროპული საქართველოს“ თავმჯდომარე გიგა ბოკერიამ განაცხადა.

როგორც მან რუსეთის ქმედებების შეფასებისას განაცხადა, პუტინის მიზანი საბჭოთა კავშირის დროინდელი გავლენის აღდგენაა.

,,პუტინის სამიზნეა, რომ ცივი ომის შემდეგ დამყარებული წესრიგი შეცვალოს და საბჭოთა კავშირის დროინდელი გავლენა აღადგინოს. რაც ავტომატურად იმას გულისხმობს, რომ ნებისმიერ წარმატებულ სახელმწიფოებრიობას დაუპირისპირდეს, სადაც საჭიროა სამხედრო აგრესიით და სადაც საჭიროა ჰიბრიდული მეთოდებით. ჩვენთვის კატასტროფაა, რომ გვყავს ხელისუფლება, რომელიც ცდილობს იმ ხაზის გატარებას, რომ საქართველოს, ან ნებისმიერი მისი ხელისუფლების ბრალია, რომ პუტინის რუსეთი იჩენს აგრესიას, რომ იყო მსხვერპლი და გვაქვს ოკუპირებული ტერიტორიები. ეს ხელისუფლება, ივანიშვილი და მისი გარემოცვა გვიმცირებს და იმედი მაქვს, რომ ბოლომდე არ გვისპობს შანსებს, რომ როცა რუსეთი დასუსტდება, რაც აუცილებლად მოხდება, ჩვენ ვერ ვიყოთ ფორმაში რომ გავაღწიოთ ამ ჭაობიდან. ან კიდევ უარესი, სანამ ის დასუსტდება მანამდე ისეთი დარტყმები მოგვაყენოს, რომლიდანაც ფეხზე წამოდგომა იქნება ძალიან რთული, რაც ერთხელ უკვე მოგვივიდა 90-იან წლებში“ _ აცხადებს გიგა ბოკერია.