შეგვიძლია პირდაპირ ვთქვათ და წარმოვიდგინოთ, რომ ბადრი ჯაფარიძე იქნება ,,ნაცმოძრაობის“ კანდიდატი. ამის შესახებ ფრაქცია „ქართული ოცნების“ თავმჯდომარე, მამუკა მდინარაძემ განაცხადა. მისი შეფასებით, ,,ქართული ოცნების“ კანდიდატის კონკურენტად ბადრი ჯაფარიძის დაყენება ოპოზიციისთვის წამგებიანი იქნება.
„ლელო“ „ნაცმოძრაობის“ დანამატია და ამის ლუსტრაცია მათ ზიანსაც მიაყენებს, მაგრამ გარკვეულ ელექტორატსაც შესძენს. ყველა ვარიანტში, ჩვენი კანდიდატის კონკურენტ კანდიდატად ბადრი ჯაფარიძის დაყენება მათთვის ძალიან წამგებიანია. ადამიანი დამნაშავედ ცნეს და ამის შემდეგ შესთავაზეს ის კანდიდატად გარდაბნელებს და რუსთაველებს. გახსოვთ ალბათ, რამდენ რაიონში დააყენეს მათ დამნაშავე კანდიდატები. ისინი პერმანენტულად აყენებენ ხოლმე დამნაშავე კანდიდატებს, რითაც შეურაცხყოფას აყენებენ იმ კონკრეტული მუნიციპალიტეტის ხალხს, ამომრჩეველს და საზოგადოებას. პირდაპირ შეგვიძლია ვთქვათ და წარმოვიდგინოთ, რომ ბადრი ჯაფარიძე იქნება „ნაცმოძრაობის“ კანდიდატი“ _ განაცხადა მამუკა მდინარაძემ.
